Ray & Polly 2003 年Gay Day 5C 畢業生講話全文

Ray：老師們平時的一字一句，不知不覺間已經成為我地既心靈甜品。

Polly：當你遇上困難好氣餒時，就會記得霍 Sir講過：「It is so easy, nothing special, right? 」霍Sir係話比你知，呢個世界，再難的野都有Solution

Ray：當你希望學陳奕迅時光倒流二十年、又或者羨慕阿Jay回到過去果陣，Biosir 會學蕭正楠咁嘟長個咀同你講：「growth, is an irreversible process。」

Polly：對於呢D咁勤力同埋咁不斷求真既學生，Miss 梁有以下的金句：「死讀書，讀死書，結果就讀書死。」佢呢句告誡我地──勤力係好既，但係死讀書就冇前途！

Ray：當你想偷懶時，就會記得Miss 張好溫柔咁同你講：「你係咪想我擰甩你個頭？定係想我由六樓掟你出去？」記住，Miss 張係好溫柔既。

Polly：當你失敗左──唔緊要，包包Miss 黃會同你講──「it is a good try」
Ray：記住喇各位，第時有好多人追你，你又想拒絕佢時，你就要記得咁樣講──it is a good try。

Polly：Miss曾是EQ最高，忍耐力最強既一個老師，我地呢班馬騮上堂成日傾計、訓覺，又或者玩手指，Miss曾都冇鬧，佢同Miss 張一樣，都係好溫柔的。

Ray：我地亦會記得姚Sir令我地知道Chem，原來係好實用既──點樣燒炭先會快夾易，點樣處決小強較衛生，殺左人點樣搞掂屍體最乾手淨腳！好恐怖呢？但我竟然見到有同學在佢講呢Ｄ野時起勢咁寫低D point，唔通……

Polly：第時大個左，可能已經唔記得晒大家咩樣、或者發生過咩事，而加點點滴滴的生活片段，可能就係將來唯一留低既回憶。

Ray：呢d回憶，好似天空中的風箏，愈吹愈遠，但當你再拉一拉條線，你仍感覺得到回憶的風箏在你心靈的天空中敖翔。

Polly：我地有一套電影，而加在board 度上映──我地的相。得閒果陣，我地都會走去睇下屬於我地的喜劇。睇完之後，大家都會會心微笑。可惜，呢套戲就黎要落畫了，但我相信，我地一定會記得片中的情節，然後在心中不斷重播。

Ray：我地睇左四次form 5 表演，終於到我地上台了，呢d種種的回憶﹣﹣

Ray & Polly：願你我也不會忘記。